දුෂණ හා වංචා කරන පුද්ගලයන් හට වැඩි වරප්‍රසාද ලැබෙන බැවින් තමන්ටත් දැන් හොරෙක් වීමට සිතෙන බව සමාජ සවිබල ගැන්විමේ නියෝජ්‍ය ඇමැතිවරයා පවසයි.
“හොරකම් වංචා කලොත් ගොඩක් දේවල් ලැබෙනවා. මට ඒවාගේ දේවල් කරන්න හිතෙනවා දැන් ඉතින්. ඒ අයට තමා වැඩිපුර හම්බ වෙන්නෙ. මම හිතන්නෙ ඒක වෙන්න ඇති කොලිෆිකේෂන් එක” යැයි රන්ජන් රාමනායක ඇමැතිවරයා සඳහන් කළේය.
ගම්පහ දිස්ත්‍රික්කයේ වැඩිම මනාප ලබා ගත්ත ද තමන් හට ඇමැති ධුරයක් නොලැබුන බවත් පක්ෂය තුල කැරලි ගැසීම ද ඇමැති ධුරයක් නොලැබීමට හේතු වන්නට ඇති බව රන්ජන් රාමනායක ඇමැතිවරයා 02 බදාදා සිය නියෝජ්‍ය අමාත්‍ය ධුරයේ දිවුරුම් දීමෙන් අනතුරුව මාධ්‍ය වෙත කියා සිටියේය.
පසුගිය වසර තුන තුල යහපාලන රජයට ඉටු කර ගත නොහැකි වු දෑ ඉදිරි කාලය තුල සිදු කල යුතු බව කී නියෝජ්‍ය ඇමැතිවරයා මෙවර සිදු කරන ලද අමාත්‍ය මණ්ඩල සංශෝධනය පිළිබඳව සතුටු වන බව ද පැවසීය.
යහපාලන රජය සීයට සීයයක් සාර්ථක නැති නමුත් සීයට තිහක් පමණ හොරු ඇල්ලු බවයි සමාජ සවිබල ගැන්විමේ නියෝජ්‍ය අමාත්‍ය රන්ජන් රාමනායක වැඩි දුටත් ප්‍රකාශ කර සිටියේ.
Facebook Comments
