පිළිකා රෝගයට ගන්නා ඖෂධ ඇතුළුව මිල අධික ඖෂධ වර්ග රැසක මිල ලබන ජුලි මාසයේ දී අඩු කිරිමට පියවර ගන්නා බව සෞඛ්‍ය, පෝෂණ හා දේශීය වෛද්‍ය අමාත්‍යවරයා පවසයි.
ප්‍රථම අදියර යටතේ අත්‍යාවශ්‍ය ඖෂධ වර්ග 48 මිල අඩු කිරිමට පියවර ගන්නා ලද බව සිහිපත් කල රාජිත සේනාරත්න ඇමැතිවරයා දෙවන අදියර යටතේ මිල අධික ඖෂධ වල මිල අඩු කිරීමට තමන් තීරණය කළ බව 20 බදාදා කැබිනට් තීරණ දැනුම් දෙන මාධ්‍ය හමුවේදී ප්‍රකාශ කළේය.
සෞඛ්‍ය සේවා තුලින් වැට් බදු ඉවත් කිරිම නිසා ගැටලු රැසක් විසදුන බව පෙන්වා දෙන සෞඛ්‍ය අමාත්‍යවරයා පෞද්ගලික රෝහල් මිල නියාමනය කිරීමට තීරණය කල බව ද කියා සිටියේය.
ඖෂධ මිල අඩු කිරීමෙන් පසු පෞද්ගලික රෝහල් වල මිල ගණන් සංශෝධනය කිරිමට බලාපොරොත්තුව වන බවයි රාජිත සේනාරත්තන ඇමැතිවරයා පෙන්වා දෙන්නේ.
පිළිකා ඖෂධ සදහා තිබූ මාෆියාව නතර කිරිමට තමන්ට හැකි වූ බව කී අමාත්‍යවරයා රුසියාවෙන් ආනයනය කළ පිළිකා එන්නතෙන් රෝගීන්ට සංකූලතා මෙතෙක් ඇති වූ බවට වාර්තා වී නොමැති බවයි පවසන්නේ.
Facebook Comments
