විදේශ රැකියා සඳහා පිටත්වන ශ්රමිකයන්ගේ ආරක්ෂාව තවත් තහවුරු කිරීමට පියවර ගන්නා ලෙස ඇමරිකා රාජ්ය දෙපාර්තමේන්තුව ශ්රී ලංකා රජයෙන් ඉල්ලා තිබේ.
2018 වසරට අදාලව එරට රාජ්ය දෙපාර්තමේන්තුව විසින් නිකුත් කල මිනිස් ජාවාරම් සම්බන්ධ වාර්තාවේ මේ බව දක්වා ඇති අතර මිනිස් ජාවාරම වැළැක්වීම සඳහා ශ්රී ලංකා රජය ගෙන ඇති පියවර පැසසුමට ලක් කර ඇත.
පුද්ගල ජාවාරම් මුලු මනින්ම මැඩලීමට ශ්රී ලංකාව තවත් පියවර අනුගමනය කළයුතුව ඇති බවයි එම වාර්තාව පෙන්වා දෙන්නේ.
පසුගිය වසර හා සැසඳීමේදී ශ්රී ලංකාව මීට අදාළව සතුටුදායක පියවර ගණනාවක් අනුගමනය කර ඇති බවයි ඇමරිකා රාජ්ය දෙපාර්තමේන්තුව නිවේදනය කරන්නේ.
මිනිස් ජාවාරම් වැළැක්වීමට දැනුවත් කිරීම් සහ ප්රචාරණ වැඩපිළිවෙල සංවිධාන කිරීම ද ඇමරිකාවේ ප්රසාදයට ලක් වී තිබේ.