මාධ්‍යවේදී ජමාල් කශෝගි මරා දැමීමට සැක 18ක් අත් අඩංගුවේ

0
241
wedding people

තුර්කියේ ඉස්තාන්බුල් නුවර සෞදි කොන්සාල් කාර්යාලයේ ගැටුමකින් මිය ගිය මාධ්‍යවේදී ජමාල් කශෝගි ඝාතනයට සැක පිට 18 දෙනෙකු අත්අඩංගුවට ගත් බව සෞදිය පවසනවා.

සිද්ධියෙන් පසුව එරට නියෝජ්‍ය බුද්ධි අංශ ප්‍රධානී අහමඩ් අල් අස්සිරි සහ මොහොමඩ් බින් සල්මන් කුමරුන්ගේ ජ්‍යෙෂ්ඨ උපදේශකයෙකු වන සවුඩ් අල් කටානි තනතුරුවලින් පහ කර ඇති බවයි විදෙස් මාධ්‍ය වාර්තා කරන්නේ.

එමෙන්ම එරට බුද්ධි අංශය ප්‍රතිසංවිධාන කිරීමටද සල්මන් කුමරුන් නියෝග කර ඇත.

තුර්කියේ ඉස්තාන්බුල් නුවර සවුදි කොන්සල් කාර්යාලයේ හටගත් ගැටුමකදී ඔහු ජීවිතක්ෂයට පත්වූ බවයි සෞදි රූපවාහිනිය පසුගියදා නිවේදනය කළේය.

පසුගිය 2 වනදා තුර්කියේ ඉස්තාන්බුල් නුවර පිහිටි සෞදි කොන්සල් කාර්යාලය තුළට ගිය ජමාල් කශෝගි නැවත පිටතට පැමිණ නොතිබු අතර ඒ අනුව තුර්කිය අංශ කිහිපයකින් විමර්ශන ආරම්භ කරනු ලැබුවා.

මාධ්‍යවේදී ජමාල් කශෝගි මරා දැමීමෙන් අනතුරුව ඔහුගේ සිරුර විනාශ කර ඇති බවටයි වාර්තා වන්නේ.

Facebook Comments