අතුරුදහන් වී සිටින ජනතා විමුක්ති පෙරමුණේ ආරම්භක නායක රෝහණ විජේවීර අධිකරණය හමුවට ඉදිරිපත් කරන ලෙස රජයට නියෝගයක් නිකුත් කරන ලෙස ඉල්ලා ඔහුගේ බිරිඳ විසින් ගොණු කරන ලද හබයස්කෝපුස් පෙත්සම විභාගයට නොගෙනම ප්‍රතික්ෂේප කිරීමට අධිකරණය තීන්දු කර තිබේ.
මෙම පෙත්සම විභාගයට ගැනීමට තරම් සාධාරණ පදනමක් නොමැති බව තීන්දු කළ අධිකරණය ඒ අනුව පෙත්සම ප්‍රතික්ෂේප කරන බව නිවේදනය කළේය.
තම සැමියා වන රෝහණ විජේවීර 1989 නොවැම්බර් 12 වනදා උලපනේ ප්‍රදේශයේදී රජයේ ආරක්ෂක අංශ මඟින් අත්අඩංගුවට ගැනීමෙන් පසුව මේ දක්වා අතුරුදන්ව සිටින බවට ශ්‍රීමතී චිත්‍රාංගනී විජේවීර චිත්‍රාංගනී අභියාචනාධිකරණයට පෙත්සමක් ගොණු කර තිබුණි.
එම නිසාවෙන් හේතුවෙන් අතුරුදන්ව සිටින තම සැමියා අධිකරණය හමුවට ඉදිරිපත් කිරීමේ නියෝගයක් නිකුත් කරන මෙන් ඇය සිය පෙත්සමෙන් ඉල්ලීමක් කරන ලදී.
මෙම සිද්ධිය සිදුවී වසර 30කට ආසන්න කාලයක් ගතවී ඇති බව පෙන්වා දුන් අධිකරණය එතෙක් කිසිදු අධිකරණයමය සහනයක් ලබා ගැනීමට කටයුතු නොකිරීමේ පදනම මත පෙත්සම ප්‍රතික්ෂේප කර ඇත.
කෙසේ වෙතත් පෙත්සම ප්‍රතික්ෂේප කිරීමට එරෙහිව අභියාචන පෙත්සමක් ශ්‍රේෂ්ඨාධිකරණයේ ගොනු කිරීමට අපේක්ෂා කරන බවයි ශ්‍රීමතී චිත්‍රාංගනී විජේවීර නීතීඥවරයා දන්වා සිටින්නේ.
Facebook Comments
