මාකඳුරේ මධුෂ් සමඟ ඩුබායි පොලිසිය විසින් අත්අඩංගුවට ගන්නා ලද ශ්‍රී ලංකාවේ ගායක පිය පුතු යුවළ ලබන 27 වනදා වන විට නිදහස් කරනු එරට ගෝස් සිටින නිතීඥයෙකු විශ්වාසය පළ කර තිබේ.
අමල් පෙරේරා සහ ඔහුගේ පුත් නදීමාල් පෙරේරා යන දෙදෙනා ලබන 27 වැනි දා වන විට මුදා හරිනු ඇතැයි නිතීඥ උඳුල් ප්‍රේමරත්න සිලෝන් නිවුස් වෙත කියා සිටියේය.
ඔවුන් එරට මහාධිකරණයට ඉදිරිපත් නොකරම පොලිසිය විසින් දඩ මුදලක් නියම කර මුදා හරිනු ඇති බවට අමල් පෙරේරා තමන් හා පැවසු බව නීතිඥවරයා සඳහන් කළේය.
ගායක අමල් පෙරේරා සහ නදීමාල් පෙරේරා යන දෙදෙනා සම්බන්ධයෙන් මීට පෙර මෙවැනි චෝදනා එල්ල වී නැති නිසාත්, ඔවුන් ඩුබායි වෙත පැමිණියේ ගායකයන් ලෙස බවට ඩුබායි පොලිසිය පිළිගැනීම නිසාත් ඔවුන්ට දඩයක් වැනි ලිහින් දඬුවමක් ලැබෙනු ඇති බවටයි හෙතෙම විශ්වාසය පළ කරන්නේ.
මේ අතර නියෝජ්‍ය පොලිස්පති නාලක ද සිල්වා හා අමල් පෙරේරා අතර සම්බන්ධයක් ඇතැයි පැතිර යන කතාවල සත්‍ය අසත්‍යතාවය මෙන්ම තවත් බොහෝ කරුණු අමල් පෙරේරා විසින් මෙරටට පැමිණි පසු හෙළිකිරීමට නියමිත බව නිතීඥ උඳුල් ප්‍රේමරත්න සිලෝන් නිවුස් වෙත පැවසීය.
Facebook Comments
