පාර්ලිමේන්තු වාද විවාද වලදී තම විරෝධතාවය ප්‍රකාශ කිරීමේ දී මීට වඩා සංවරව ආදර්ශමත් ලෙස පාර්ලිමේන්තුවේ කීර්තිනාමයට කිසිදු ආකාරයකින් හානියක් නොවන ලෙස කටයුතු කරන ලෙසට කතානායකවරයා පාර්ලිමේන්තු මැති ඇමැතිවරන්ගෙන් ඉල්ලීමක් කර ඇත.
ඉතාමත් පහත් අසභ්‍ය වචන භාවිතා කරමින් පර්ලිමේන්තුවේ කීර්තිනාමයට හානිකරමින් කටයුතු කිරීම පිළිබඳව තමන් ඉතාමත් කණගාටුවන බව කතානායක කරූ ජයසූරිය 02 අඟහරුවාදා පාර්ලිමේන්තුවේදී පැවසීය.
මොහාන් ද සිල්වා සහ රන්ජන් රාමානායක යන මන්ත්‍රීවරුන් අසභ්‍ය වචන භාවිතා කරමින් හැසිරුණ ආකාරය පිළිබඳව සිය කණස්සල්ලා පළ කරමින් කතානායකවරයා මේ බව ප්‍රකාශ කළේය.
පාර්ලිමේන්තුවේ අභිමානය හා ගෞරවය කෙළෙසෙන අන්දමින් වාද විවාද වලදී භාවිතා කළ යුතු වචන මින් ඉදිරියට කිසිම ආකාරයකින් සභාව තුළ භාවිතා නොකරන ලෙස සියලු මන්ත්‍රීවරුන්ට අවධාරණයෙන් දැනුම් දෙන බව කතානායක කරූ ජයසුරිය වැඩි දුරටත් කියා සිටියේය.
Facebook Comments
