ජනාධිපතිවරයා විසින් සිය ධුර කාලය වැඩි කර ගනිමින් පාර්ලිමේන්තුව විසුරුවා හැරිමේ උත්සාහයක නිරත වන බවට ව්‍යවස්ථා විශාරදයෙකු චෝදනා කර තිබේ.
19 වන වස්ථාවට අනුව වත්මන් ජනාධිපති මෛත්‍රීපාල සිරිසේනගේ ධුර කාලය 2020 ජනවාරි මාසයෙන් අවසන් වන බව අධිනීතිඥ ලාල් විජේනායක මහනුවර පැවති මාධ්‍ය හමුවකදී පෙන්වා දුන්නේය.
“ජනාධිපතිවරයා අර්ථ නිරූපනය කරන්න හදුන්නේ 19 වන ව්‍යවස්ථ සංශෝධනය කතානායකවරයා අත්සන් තබා තියෙන්නෙ මැයි 15 වනදා 2015 එතකොට ඒ තර්කය තමා ඉදිරිපත් කරන්නේ අවුරුදු 5 පටන් ගන්නේ එදා ඉදලා කියලා. ඉතාම පැහැදිලිව කියලා තියෙනවා ධූර කාලය පටන් ගන්නේ ජන්ද ප්‍රතිඵල නිකුත් කරපු දා ඉදලා කියලා.” යැයි අධිනීතිඥවරයා කියා සිටියේය.
ජනාධිපතිවරයාගේ ධූර කාලය අවසන් වන දිනය සම්බන්ධව ශ්‍රේෂ්ඨාධිකරණයෙන් විමසීමක් සිදු කරන බවට ශ්‍රී ලංකා නිදහස් පක්ෂ නීතිඥ දයාසිරි ජයසේකර ප්‍රකාශ කර ඇත.
Facebook Comments
