චන්ද්‍රිකාටත් නොලැබුනු ඡන්දයකින් ඊළඟ එජාප ජනපති අපේක්ෂකයා දිනන බවට මංගලට විශ්වාසයි (VIDEO)

0
794

ඉදිරි ජනාධිපතිවරණයේදී එක්සත් ජාතික පක්ෂ අපේක්ෂකයා චන්ද්‍රිකා බණ්ඩාරනායක ජනාධිපතිනිය ලැබූ ජයට නොදෙවෙනි ජයක් ලබා ගනු ඇති බවට මුදල් ඇමැතිවරයා විශ්වාසය පළ කර තිබේ.

“මම හිතන්නේ චන්ද්‍රිකා කුමාරතුංග මැතිණියගෙන් පස්සේ ලංකාවේ ජනතාව බලන්නට යන විශාලතම ජයග්‍රහණය අපි මේ වසර අන්තිමේදී එක්සත් ජාතික පක්ෂ අපේක්ෂකයට ලබා දෙනවා.” යැයි මංගල සමරවීර අමාත්‍යවරයා ප්‍රකාශ කළේය.

ඉතා අමාරුවෙන් ලබා ගත් ආණ්ඩුව කිසිවෙකුට ලෙසියෙන් පෙරළීමට ඉඩ ලබා නොදන බව කී ඇමැතිවරයා “දින 52 දී අපි පෙන්නුවා කොයි තරම් කොයි තරම් බලවත් අය කුමන්ත්‍රණකාරී ලෙස අපේ බලය ඩැහගන්න හැඳුවත් ඒ කුමන්ත්‍රණයට විරුද්ධව සෘජුව වැඩ කරපු කෙනෙක් හැටියට මම යළි වතාවක් කියනවා කිසිම කුමන්ත්‍රණයකින් මේ ආණ්ඩුව පෙරළන්න ඉඩ තියන්නේ නැහැ,” යැයි අවධාරණය කරන ලදී.

ශ්‍රී ලංකාවේ ජනාධිපතිවරනයකදී අපේක්ෂකයකු මෙතෙක් ලබාගත් ඉහලම ඡන්ද ප්‍රතිශතය වන 62%ක් ලබාගත්තේ 1994 දී තරග වැදුනු චන්ද්‍රිකා කුමාරතුංගයි.

විසි හතර වසරකට පසු එක්සත් ජාතික පක්ෂ ජනාධිපතිවරයකු බිහි වීම කිසිවකුට නවතාලිය නොහැකි බවට අමාත්‍ය මංගල සමරවීර කියා සිටියේ 20 සෙනසුරාදා ඔහුගේ දේශපාලන දිවියට දශක තුනක් සපිරීම නිමිත්තෙන් “දශක තුනක මාතර කතාව” තේමාවෙන් පැවැත්වෙන උත්සවයට එක් වෙමිනි.

මංගල සමරවීර අමාත්‍යවරයාගේ සහභාගීත්වයෙන් කොළඹ තරු හෝටලයක පැවති දේශපාලන සාකච්ඡාවක් පිළිබඳව මාධ්‍යවේදීන් කළ ප්‍රශ්න කිරීමට පිලිතුරු දෙමින් “ඔය කියන 12 වෙනිදා මම ලංකාවේ හිටියෙත් නැහැ.” යි එම ප්‍රචාර ප්‍රතික්ෂේප කළේය.

Facebook Comments

wedding people