තවදුරටත් ප්‍රහාර එල්ල වෙතැයි බියෙන් පාසල් වලට ළමුන් නොපැමිණිය ද පෙර සේම පවත්වාගෙන යන පුද්ගලික උපකාරක පන්ති සඳහා අඩුවකින් තොරව සිසුන් සහභාගී වන බව වාර්තා වේ.
පාසල් හා ඒ අවට ආරක්ෂාව තහවුරු කර ඇති බවට ආරක්ෂක අංශ විසින් දැනුම් දීමෙන් අනතුරුව මාර්තු 06 අධ්‍යාපන අමාත්‍යංශය විසින් පාසල් ආරම්භ කිරිමට පියවර ගනු ලැබු නමුත් දින කිහිපයක් ගතවීත් සමාන්‍ය පරිදි සිසුන් පාසල් වෙත නොපැමි‍ණියේය.
එසේ වුවත් උපකාර පන්ති සඳහා ප්‍රසිද්ධියක් උසුලන ගම්පහ,කුරුණෑගල හා බෝම්බ ප්‍රහාරයක් එල්ල වු මීගමුවේ මෙන්ම දිවයිනේ බොහෝ ප්‍රදේශ වල සතියේ දින මෙන්ම සති අන්තයේ දින වල ද සිසුන් පුද්ගලික පන්ති සඳහා සහභාගි වනු දැක ගත හැකි වු බව අප වාර්තාකරුවෝ පවසති.
දෙමාව්පියන් තුළ පවතින බිය හේතුවෙන් පාසල් වලට සහභාගි නොකරනු ලැබුවද කිසිඳු ආරක්ෂාවක් නොමැති පුද්ගලික උපකාරක පන්ති සඳහා විශාල වශයෙන් සිසුන් සහභාගි වන දැක්වෙන විඩියෝ පට සිලෝන් නිව්ස් වෙත ද ලැබී ඇත.
කාදිනාල් හිමියන් ද මාර්තු 06 වනදා කතෝලික පාසල් ආරම්භ නොකරන ලෙස උපදෙස් ලබා දී තිබු අතර එළඹෙන 14 වෙනිදා පාසල් ආරම්භ කිරීමට හැකි දැයි සලකා බලන බව පසුගියදා පැවති මාධ්‍ය හමුවක දී කියා තිබුණි.
Facebook Comments
