අනිවාර්ය නිවාඩු යවා ඇති පොලිස්පති පූජිත් ජයසුන්දර ඇතුළුව රාජ්‍ය ආරක්ෂක අංශ ප්‍රධානීන් කිහිප දෙනෙකු සම්බන්ධව පුර්ණ අපරාධ විමර්ශනයක් කඩිනමින් සිදු කරන ලෙසට නීතිපතිවරයා විසින් අපරාධ පරීක්ෂණ දෙපාර්තමේන්තුවට නියෝග කර ඇත.
පාස්කු ප්‍රහාර මාලාව සම්බන්ධයෙන් ජනාධිපතිවරයා විසින් පත්කරන ලද විශේෂ පරීක්ෂණ මණ්ඩලයේ අතුරු වාර්තා දෙකක් ජනාධිපති ලේකම්වරයා විසින් නීතිපතිවරයා වෙත යොමු කර ඇති එම වාර්තා සලකා බැලිමෙන් අනතුරුව නීතිපතිවරයා වැඩ බලන පොලිස්පතිවරයා වෙත මෙසේ නියෝග නිකුත් කර තිබේ.
එසේම හිටපු ආරක්ෂක ලේකම්, ජාතික බුද්ධි ප්‍රධානී, විශේෂ කාර්ය බලකායේ අණදෙන නිලධාරී සහ බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති යන අයට එරෙහිව ද පූර්ණ අපරාධ විමර්ශනයක් සිදුකරන ලෙසට අපරාධ පරීක්ෂණ දෙපාර්තමේන්තුවට නියෝග කරන්නැයි නීතිපතිවරයා වැඩ බලන පොලිස්පතිවරයාට දන්වා යවා ඇත.
රාජකාරිය පැහැරහැරීම සම්බන්ධයෙන් ඔවුන්ට එරෙහිව ජාතික පොලිස් කොමිසම හරහා විනය ක්‍රියාමාර්ග ගැනීමට පියවර ගන්නා ලෙස ද නීතිපතිවරයා විසින් වැඩ බලන පොලිස්පතිවරයා වෙත යැවු ලිපි වලින් වැඩි දුරටත් ඉල්ලා සිටී.
Facebook Comments
