ජනපති මනාපය නොතකා අලුත් බුද්ධි ප්‍රධානියාගේ වගතුග එළියට

0

බුද්ධි ප්‍රධානීන් හෙළිදරව් වීම හරහා ජාතික ආරක්ෂාවට හානියක් සිදුවන බවට චෝදනා කරමින් පාස්කු ප්‍රහාරය පිළිබදව සොයන පාර්ලිමේන්තු තේරීම් කාරක සභාවට නිලධාරීන් නොයවන බවට ජනාධිපතිවරයා පවසා ඇතත් නව බුද්ධි ප්‍රධානියා ආරක්ෂක අංශ විසින් ප්‍රසිද්ධියට පත් කර තිබේ.

ජාතික බුද්ධි ප්‍රධානී ලෙස මේජර් ජෙනරාල් රුවන් කුලතුංග ජනාධිපතිවරයා විසින් පත් කරන ලද බවට යුද හමුදා මාධ්‍ය ප්‍රකාශක නිවේදනය කළ බවට මාධ්‍ය වාර්තා කර ඇත.

හිටපු ජාතික බුද්ධි ප්‍රධානී සිසිර මෙන්ඩිස් පාස්කු ඉරිදා ප්‍රහාරය පිළිබඳව සෙවීම සඳහා පත්කර ඇති පාර්ලිමේන්තු තේරීම් කාරක සභාව හමුවේ සාක්ෂි දීම හේතුවෙන් සේවයෙන් ඉවත් කරන ලද බවට ජනාධිපති මෛත්‍රීපාල සිරිසේන පොලිස් ප්‍රධානීන් හමුවේ ප්‍රකාශ කළේය.

කෙසේ වෙතත් සිසිර මෙන්ඩිස් සෞඛ්‍ය හේතුවෙන් සිය තනතුරෙන් ඉල්ලා අස්වු බවට පසුව මාධ්‍ය වාර්තා කර තිබුනි.

Facebook Comments

wedding people