ශ්‍රී ලංකා වාර්තාව එංගලන්තය බිඳියි

එක්දින ක්‍රිකට් පිටියේ කණ්ඩායමක් වාර්තා කළ ඉහළම ලකුණු සංඛ්‍යාවට හිමිකම් කී ශ්‍රී ලංකා කණ්ඩායමේ වාර්තාව එංගලන්තය විසින් ඊයේ (30දා) බිඳ දමනු ලැබීය. ඒ පාකිස්තානය සමගින් ඊයේ පැවැති එක්දින තරගයේදී එංගලන්ත කණ්ඩායම කඩුලු තුනට ලකුණු 444ක් රැස්කරමිනි. 2006 වසරේදී ශ්‍රී ලංකා කණ්ඩායම නෙදර්ලන්තයට එරෙහිව රැස්කළ ලකුණු 443 එක්දින පිටියේ ක්‍රිකට් කණ්ඩායමක් වාර්තා කළ ඉහළම ලකුණු සංඛ්‍යාවය විය.

එංගලන්තය වෙනුවෙන් ප්‍ර වේගකාරී පිතිහරඹයක නිරත වූ ඇලෙක්ස් හේල්ස් ලකුණු 171 වාරතා කළේ පන්දු 166කින්. එයට හතරේ පහර 22ක් හා හයේ පහර හතරක් වාර්තා විය. එංගලන්ත කණ්ාඩවම වෙනුවෙන් තවත් ප්‍ර වේගකාරි ඉනිම් දෙකක් වාර්තා කළ ජෝස් බට්ලර් පන්දු 51කදී ලකුණු 90ක් හා නායක මොගන් පන්දු 27කදී ලකුණු 57ක් රැස්කළහ.

ඇලෙක්ස් හේල්ස් රැස්කළ ලකුණු 171ක එංගලන්ත පිතිකරුවෙකු එක්දින පිටියේ රැස්කළ ඉහළම ලකුණු සංඛ්‍යාවද වෙයි. ලකුනු 445ක දැවැන්ත ඉලක්කයක් හඹා ගිය පාකිස්තාන කණ්ඩායම ලකුණු 275ට සීමා කිරීමට එංගලන්තය සමත්විය.

සාර්ජ්ල් ඛාන් පන්දු 30කදී ලකුණු 58ක් හා මොහොමඩ් අමීර් පන්දු 28කදී ලකුණු 58ක් රැස්කළය.

මෙම තරගයේදී එංගලන්ත කණ්ඩායම හයේ හා හතරේ පහර 59ක් වාර්තා කළ අතර එය එක්දින ඉනිමකදි වාර්තා වූ වැඩිම හා හයේ හා හතරේ පහර සංඛ්‍යාව සඳහා ශ්‍රි ලංකා කණ්ඩායම තැබා ඇති වාර්තා වේ.