නව බදු පනතක් හඳුන්වාදෙමින් බදු ප්‍රතිපත්තිය ස්ථාවර කර රට සංවර්ධනය කිරීමේ දිගු කාලීන වැඩපිළිවෙළක් ක්‍රියාත්මක කරන බව මුදල් රාජ්‍ය ඇමැතිවරයා පවසයි.
ඉදිරි මාස දෙක ඇතුළත නව බදු පනත් කෙටුම්පත පාර්ලිමේන්තුවට ඉදිරිපත් කරන බව පවසන අමාත්‍ය එරාන් වික්‍රමරත්න එය විවාදයට ලක් කර විවිධ පාර්ශ්වවලින් ඉදිරි පත් වන යෝජනා ද සැලකිල්ලට ගෙන අලුත් බදු පනත ස්ථාපිත කරන බව පෙන්වා දෙයි.
නව බදු පනත ගෙන ඒමත් සමඟ බදු ප්‍රතිපත්තියට ඇඟිලි ගැසීමට ඇමැතිවරයාට සහ නිලධාරින්ට තිබෙන ඉඩකඩ ඇහිරෙන අතර බදු සම්බන්ධයෙන් සරල හා ස්ථිර බවක් නව පනතෙන් ඇති කරන බවද ඇමැතිවරයා පැවසුහ.
මෙම නව බදු පනත ක්‍රියාත්මක කිරීමෙන් ව්‍යාපාරිකයින්ට තම ව්‍යාපාරයන් සම්බන්ධයෙන් ස්ථාවර තීරණ ගැනීමට හැකියාවක් ලැබෙන්නේ යැයි ද බදු ප්‍රතිපත්තිය අස්ථාවර වන විට ව්‍යවසායකයින්ට තීරණ ගැනීමට අපහසු වන්නේ යැයි ද ඇමැතිවරයා අවධාරණය කළේය.
Facebook Comments
