ගිනස් වාර්තාවක් තැබීම සඳහා නිර්මාණය කරන ලද දිගම සාරි පොට ඇල්ලීම සඳහා පාසල් ළමුන් යොදා ගැනීම සම්බන්ධයෙන් පරික්ෂණයක් සිදුකල ජාතික ළමා ආරක්ෂණ අධිකාරිය ඉදිරි නීතිමය කටයුතු සඳහා එම පරීක්ෂණ වාර්තාව නීතිපති වෙත යොමු කර තිබේ.
පරික්ෂණ වාර්තාවට අනුව සිද්ධියට අදාළව නඩු පැවරිය හැකිද යන්න සොයා බැලීම සඳහා නීතිපති වෙත එම වාර්තාව යවන ලද බවයි ජාතික ළමා ආරක්ෂණ අධිකාරිය නිවේදනය කරන්නේ.
මහනුවර ගන්නේරුව ප්‍රදේශයේ පැවති මංගල උත්සවයක දිගම සාරි පොට නිර්මාණය කර ගිනස් වාර්තාවක් තැබීමට උත්සාහ කරන ලද අතර සාරි පොට ඇල්ලීම සඳහා පාසල් නිල ඇඳුමින් සැරසි ළමයින් 250 දෙනකු සහභාගී කරවා ගෙන තිබුණි.
නීතිපති උපදෙස් ලැබීමෙන් අනතුරුව සිද්ධිය සම්බන්ධයෙන් වැඩිදුර කටයුතු සිදු කරන බව ළමයින් 250 දෙනකු සහභාගී කරවා ඇත.
Facebook Comments
