ගෝටා, සජිත්, අනුර කවුරුත් “විශ්වාස කරන්න බෑ” (VIDEO)

0

ශ්‍රී ලංකාවේ ඉදිරි ජනාධිපතිවරණය සඳහා ප්‍රධාන පක්ෂ නියෝජනය කරමින් ඉදිරිපත් වීමට සිටින කිසිදු අපේක්ෂකයකු පිළිබඳව විශ්වාසය තැබිය නොහැකි බවට මුල් පෙලේ මානව හිමිකම් ක්‍රියාධරයකු ප්‍රකාශ කර තිබේ.

පොහොට්ටු පක්ෂය නියෝජනය කරමින් යෝජනා වී ඇති ගෝඨාභය රාජපක්ෂත් එක්සත් ජාතික පක්ෂයෙන් ජනපති තරඟයට ඉදිරිපත් වීමට බලා සිටින සජිත් ප්‍රේමදාස හා ජතික ජන බලවේගය විසින් නම් කර ඇති අනුර කුමාර දිසානායකගේ අතීත ක්‍රියාකරකම් මත ඔවුන් කෙරෙහි විශ්වාස කළ නොහැකි බවයි බ්‍රිටෝ ප්‍රනාන්දු පෙන්වා දෙන්නේ.

“ගෝඨාභය රාජපක්ෂ අතරුදහන්වීම් ගැන කතා නොකළට අතුරුදහන් කළ තැනැත්තෙක් විදියට ජාතික හා ජාත්‍යන්තර වශයෙන් ප්‍රසිද්ධියට පත් වෙලා තියෙනවා. ඔහු 1989 නුවර මාතලේ සමුහ මිනි වල සම්බන්ධයෙන් ඇඟිල්ල දික් වුන තැනැත්තෙක්,” යැයි අතුරුදහන් වුවන්ගේ පවුල් එකතුවේ සභාපතිවරයා චෝදනා කළේය.

උතුරේ අවසන් යුද සමයේදී ආරක්ෂක ලේකම් දැරූ ගෝඨාභය රාජපක්ෂ එවක සිදුවු අතුරුදහන් කරවීම් වලට සෘජු ලෙස සම්බන්ධ බව ද කියා සිටියේය.

ඔහු ජනපති ධුරයට පත්වුවහොත් නැවතත් අතුරුදහන් කරවීම් සිදුවිය හැකි බවට ද අතුරුදහන් වුවන්ගේ පවුල් එකතුවේ සභාපති බ්‍රිටෝ ප්‍රනාන්දු අනතුරු ඇඟවීය.

තම පියාගේ පාලන සමයේදී දකුණේ සිදුවු අතුරුදහන් වීම් ගැන සජිත් ප්‍රේමදාස අමාත්‍යවරයා කිසිවක් ප්‍රකාශ කර නොමැති බව කී බ්‍රිටෝ ප්‍රනාන්දු එම සිදුවීම් පිළිබඳව කණගාටුව පළ කර වත්මන් ආණ්ඩුව විසින් ගත් තීන්දු ඉදිරියට ගෙන යාමට සුදානම් ප්‍රශ්න කළ අතර මේතාක් ඔහුගෙන් එවැනි ඉඟියක්වක් ලැබී ෙනාමැති බව ද කියා සිටියේය.

“අපිට සජිත් ප්‍රේමදාස මහත්තයගෙන් අහන්න තියෙන්නෙ තමුන් අපේක්ෂකයෙක් හැටියට ඉදිරිපත් වෙනවා නම් තමුන්ගේ පියාට යම් යම් චෝදනා තියෙනවා නම්, තමුන් සුදානම් ද ඒ ගැන කණාගාටුව ප්‍රකාශ කරලා මේ ආණ්ඩුව ගත්ත තීන්දු ඉස්සහට ගෙනියන්න බැඳී ඉන්නවයි කියන වචනෙ කියන්න. අපිට තවමත් එවැනි ඉඟියක් ඔහුගෙන් ලැබෙන්නෙ නෑ.”

තමන්ගේ නායකයාට සිදුවු දේ පිළිබඳවවත් දැන ගැනීමට ජනතා විමුක්ති පෙරමුණට උවමානවක් නැතැයි චෝදනා කළ අතුරුදහන් වුවන්ගේ පවුල් එකතුවේ සභාපතිවරයා ඔවුන්ගේ ආයුධ සන්නද්ද අරගලය හේතුවෙන් පීඩාවටත් පත්වු පිරිස් තවමත් ජවිපෙ දෙස සැකයෙන් බලන බව ද සඳහන් කළේය.

“ජනතා විමුක්ති පෙරමුණ වුනත් 89 භිෂණය ගැන ඔවුන් බරපතල ලෙස කතා කරන්නේ නැහැ. අඩුම ගාණේ ඔවුන්ගේ නායකයගේ මරණය ගැන ඔවුන් කිසි දවසක සත්‍ය, යුක්තිය ඉල්ලා සිටින්නෙ නෑ.”

ආයුධ සන්නද්ධ කැරැල්ල හේතුවෙන් පීඩාවට පත්වු පිරිස් වෙත කණාගාටුව ප්‍රකාශ කිරීමට ජවිපෙ සුදානම් දැයි ප්‍රශ්න කළ අතුරුදහන් වුවන්ගේ පවුල් එකතුවේ සභාපති බ්‍රිටෝ ප්‍රනාන්දු ඉදිරියේදී ඔවුන් අතින් අතුරුදහන් සිදු නොවුන බවට සහතිය විය හැකි දැයි වැඩි දුරටත් විමසන ලදී.

Facebook Comments

wedding people