මාරාන්තික කොරෝනා වෛරසය හේතුවෙන් ජනතාව බියට පත්ව සිටින මොහොතක ව්‍යාපරිකයන් හා ආණ්ඩු හිතෛෂින් ලාභ උපයා ගැනීමට සැරසෙන බව පෙනෙන්නට තිබේ.
වෛරසයෙන් ආරක්ෂා විමේ මුලික පියවරක් ලෙස සෞඛ්‍යාරක්ෂිත මුව ආවරණ පැලදීමට සෞඛ්‍ය අංශ ජනතාව දැනුවත් කර ඇති අතර ඒ මුවාවෙන් ඇතැම් ව්‍යාපරිකයන් මුව ආවරණ වල මිල ඉහල දමා ඇති බවට සමාජ ඡාලා ඔස්සේ චෝදනා එල්ල වී ඇත.
එමෙන්ම මුව ආවරණ වල හිගයක් ඇති බව පෙනෙන්ට තිබුන ද බොහෝ දෙනා මුව ආවරණ පලිදින වගක් පෙනෙන්නට ද නැත.
මිලින්ද ගේ රෙදි වැසුම්
මේ අතර මුව ආවරණ වල මිල ඉහල යාමට පිලියමක් ලෙස ගෝඨාභය රාජපක්ෂගේ ද මාධ්‍ය ප්‍රකාශකව සිටි පොහොට්ටුවේ මිලින්ද රාජපක්ෂ යෝජනා කර ඇත්තේ ගෙදරදී රෙදි කපාගෙන මුව ආවරණ සකසා ගන්නා ලෙසටයි.
තම ට්විටර් ගිණුමේ සටහනක් තබමින් ඔහු පවසා ඇත්තේ එසේ මසා ගන්නා ලද මුව ආවරණ දිනපතා සෝදමින් හිරු එළිය හෝ ඉස්තිරික්ක භාවිතා කර වියලා ගෙන භාවිතයට ගන්නා ලෙසයි.
මුව ආවරණ මසා ගැනීමට අවශ්‍ය රෙදි හා දුව්‍ය පිළිබඳව මිලින්ද රාජපක්ෂ ට්විටර් සටහනින් විස්තර කර තිබුනද එය කොතරම් සෞඛාරක්ෂිත ද යන්න සටහන් කළ වගක් දැක ගන්නට නැත.
දොස්තරලාට “ප්‍රතිලාභ”
නව කොරෝනා වෛරසය වැළඳුණු හෝ වැළඳුණු බවට සැක කරන අවදානම් කාණ්ඩ සමඟ කටයුතු කරන වෛද්‍යවරුන් ඇතුළු සෞඛ්‍ය කාර්ය මණ්ඩල කරන කැපකිරීම වෙනුවෙන් දිරි ගැන්වීමේ ප්‍රතිලාභයක් ලබා දෙන ලෙස රජයේ වෛද්‍ය නිලධාරින්ගේ සංගමය ඉල්ලා සිටී.
එය “ආර්ථික ප්‍රතිලාභයක් හෝ වෙනත් ප්‍රතිලාභයක්” ලෙසටයි 27 සදුදා පැවති මාධ්‍ය හමුවක දී එම සංගමයේ ලේකම්, වෛද්‍ය හරිත අලුත්ගේ ඉල්ලා ඇත්තේ.
ඕනෑම අවස්ථාවක හා ජනතා ජිවිත ආරක්ෂා කිරිමට ගිවිස සිටින, මහජන මුදලින් නඩත්තු වන දොස්තර වරුන් ඉන්නා සංවිධානයක් ලෝකයම ව්‍යසනයකයට මුහුණ දෙන අවස්ථාවක කර ඇති මෙම ඉල්ලීම සමාජ ඡාලා ඔස්සේ දැඩි විවේචනයට ලක්ව ඇත.
කෙසේ වෙතත් එසේ විවේචන එල්ල වීමත් සමඟ නැවත මාධ්‍ය හමුවක් පවත්වමින් වැටුප් වැඩි කිරීමක් නොඉල්ලා සිටින බව කී රජයේ වෛද්‍ය නිලධාරින්ගේ සංගමයේ ලේකම්වරයා සෞඛ්‍ය සේවයේ නිරත පුද්ගලයින්ට දිරිගැන්වීමක් ලබා දෙන ලෙසට යළිත් ඉල්ලා සිටියේය.
නව කොරෝනා වෛරසයෙන් දැඩිව පිඩාවට පත්ව සිටින චීනයේ සෞඛ්‍ය අංශ සාමාජිකයින් දිවා රෑ නොබලා වෙහෙස වී විවේක ලද අවස්ථාවක රෝහලේ ඇඳන් මත ආරක්ෂිත ඇඳුම් ද සමඟ නිදා සිටින ජායාරූප හා දර්ශන මාධ්‍ය ඔස්සේ පලව තිබෙනු දක්නට ලැබුනි.
තම පවුල් වල සාමාජිකයින් හට වෛරස ආසාදනය වෙතැයි බියෙන් හා සේවා සැපයීමට අවශ්‍ය මිනිස් බලය අවම වීම හේතුවෙන් චීන සෞඛ්‍ය අංශ නිලධාරින් රෝහල් වලම රැඳි සිටින බවටයි එරටින් ලැබෙන වාර්තා පෙන්වා දෙන්නේ.
අනිසි බිය
ලංකාවේ සංචාරයකට පැමිණ සිටින චීන ජාතික කාන්තාවකට වෛරසය ආසාදනය වී ඇති බවට මෙරට සෞඛ්‍ය අංශ හඳුනාගත් අතර දැනට මෙරටින් වාර්තා වු පළමු හා එකම කොරෝනා රෝගියා ඇය වන අතර ඇය ජාතික උණ රෝහලේ ප්‍රතිකාර ලබයි.
කොරෝනා වෛරසය සම්බන්ධයෙන් 0710107107 දුරකථන අංකය ඔස්සේ සෞඛ්‍ය ප්‍රවර්ධන කාර්යංශයෙන් හෝ 0113071073 ඔස්සේ ආපදා කළමනාකරණ මධ්‍යස්ථානයෙන් ජනතාවට තොරතුරු ලබාගත හැකි බව සෞඛ්‍ය සේවා අධ්‍යක්ෂක ජනරාල් විශේෂඥ වෛද්‍ය අනිල් ජාසිංහ පවසයි.
කෙසේ වෙතත් වසංගත තත්ත්වය පිළිබඳව අනිසි බියක් ඇති කර නොගෙන සෞඛ්‍ය අංශ ලබා දෙන උපදෙස් හරියාකාරව පිළිපදින ලෙසටයි සෞඛ්‍ය සේවා අධ්‍යක්ෂකවරයා ඉල්ලා සිටින්නේ.
කොරෝනා වෛරසය ශරීරගතවීම පිලිබඳව වාර්තා වුවහොත් ඊට මුහුණදීම සඳහා කොළඹ ජාතික උණ රෝහලට අමතරව උතුරු කොළඹ ශික්ෂණ රෝහ, ගම්පහ රෝහල, මීගමුව රෝහල, නුවර ජාතික රෝහල, කරාපිටිය ශික්ෂණ රෝහල, අනුරාධපුර ශික්ෂණ රෝහල, යාපනය ශික්ෂණ රෝහල, කුරුණෑගල ශික්ෂණ රෝහල, රත්නපුර පළාත් රෝහල, මඩකලපුව ශික්ෂණ රෝහල, බදුල්ල පළාත් රෝහල සූදානම් කර තිබෙන බවද ඔහු වැඩි දුරටත් සඳහන් කර ඇත.
නව කොරෝනා වෛරසය හේතුවෙන් 29 බදාදා උදෑසන වන විට පුද්ගලයින් 132 දෙනෙකු මිය ගොස් 6,000කට ආසන්න පිරිසකට වෛරසය ආසදනය වී ඇති බවට චීන බලධාරින් පවසන බව විදෙස් මාධ්‍ය වාර්තා කර තිබේ.
Facebook Comments
