නීති විරෝධි ඇඳිරියක් යටතේ අත් අඩංගුවට ගත් රන්ජන්ට උසාවියෙන් ඇප (VIDEO)

0

රටපුරා පනවා ඇති ඇඳිරිය නීත්‍යානුකුල නොවන හෙයින් ඒ යටතේ අත් අඩංගුවට ගෙන රඳවාගෙන සිටි හිටපු නියෝජ්‍ය අමාත්‍ය රංජන් රාමනායක ඇප මත මුදා හැරීමට උසාවිය තීන්දු කර තිබේ.

ඇඳිරි නීති සමයේ වාහනයක් ඔබ මොබ ගෙන යාමට බලපත්‍රයක් නොතිබුණු බවට චෝදනා නගා පොලිසිය විසින් අත් අඩංගුවට ගන්නා ලද හිටපු නියෝජ්‍ය අමාත්‍යවරයා නිදහස් කිරීමට නුගේගොඩ මහේස්ත්‍රාත් අධිකරණය විසින් තීන්දු කිරීමෙන් අනතුරුව ඔහු වෙනුවෙන් පෙනී සිටි නීතිඥ එම් ඒ සුමන්දිරන් මාධ්‍යවේදීන්ට කියා සිටියේ රජය විසින් පවත්වාගෙන යන ඇඳිරිය නීත්‍යානුකුල නොවන බවයි.

“පොලිසිය නීති විරෝධී ක්‍රියාවක් කරගෙන ඒකෙන් මතුවන ප්‍රශ්නයට තව අයව අත් අඩංගුවට අරගෙන තියාගන්න බෑ.”

නීතිමය ප්‍රතිපාදන තිබියදී එය පාවිච්චි නොකර “මාධ්‍ය ප්‍රකාශක දාන ඇඳිරි නීතිය” හිටපු මන්ත්‍රීවරයා විසින් අපරාධයක් ලෙස හෙලා දකින ලදී.

කෙසේ වෙතත් පනවා ඇති ඇඳිරි නීති රෙගුලාසි සෞඛ්‍යාරක්ෂාව වෙනුවෙන් පිළිපදින ලෙස එම් ඒ සුමන්දිරන් මහජනතාවගෙන් ඉල්ලා සිටියේය.

රංජන් රාමනායකට එරෙහිව පවරා ඇති ඇඳිරි නීති නඩුව සැප්තැම්බර් 28 දා නැවත විභාගයට ගැනීමට නියමිතය.

Facebook Comments