කැලෑ කොල්ලයක තොරතුරු අනාවරණය කිරීමේ යෙදී සිටි දෙමළ මාධ්යවේදීන් දෙදෙනකුට ලේ ගලන තුරු පහර දීම සම්බන්ධයෙන් රිමාන්ඩ් ගත කර සිටි නෝර්වේ පුරවැසියකු ඇප ලබා නිදහස්ව ගොස් තිබේ.
මුලතිව් දිස්ත්රික්කයේ නීතිවිරෝධී තේක්ක දැව ජාවාරමක් පිළිබඳව ගවේෂණය කරමින් සිටි දෙමළ මාධ්යවේදීන් දෙදෙනෙකුට පහර දීමේ චෝදනාව යටතේ රිමාන්ඩ් ගත කොට සිටි ඔස්ලෝ වාසී තිශාන්තන් රාජේන්ද්රන්ට ඇප නියම කර ඇත්තේ මුලතිව් උසාවිය විසිනි.
කනපතිපිල්ලෙයි කුමනන් සහ ශන්මුගම් තවසීලන් යන මාධ්යවේදීන් දෙදෙනාට අමානුෂික ලෙස පහර දීම, ඔවුන්ට මරණ තර්ජන එල්ල කිරීම හා වන රක්ෂිතය තුළ නීතිවිරෝධී දැව ජාවාරම සම්බන්ධයෙන් පටිගත කොට ඇති වීඩියෝ සාක්ෂි ඉවත් කිරීම යන චෝදනා යටතේ අත් අඩංගුවට ගන්නා ලද යෝගේෂ්වරන් අනුජන්, කුමාරවේල් සෞන්දකුමාර් සහ මහේන්ද්රන් ලෝකීසන් දැනට රක්ෂිත බන්ධනාගාරයේ පසුවෙති.
සියලු සැකකරුවන් නොවැම්බර් 3 දා නැවත මුලතිව් අධිකරණය හමුවට පැමිණවීමට නියමිතය.