ශ්‍රී ලංකාව හැර පලා යන්නට ගිය 7ක් අත් අඩංගුවේ

0
සේයා - ශ්‍රී ලංකා නාවික හමුදාව

අනවසරයෙන් මුහුදු මගින් ඉන්දියාවට සංක්‍රමණය වීමට උත්සහ කළ බවට සැක සහිත ශ්‍රී ලාංකිකයන් හත් දෙනෙක් නාවික හමුදා භාරයට ගෙන තිබේ.

ශ්‍රී ලංකා නාවික හමුදාව පවසන්නේ මන්නාරම පේසාලේ ප්‍රදේශයට ඔබ්බෙන් වු මුහුදු ප්‍රදේශයේදී එම පිරිස 2020 නොවැම්බර් 28 දින නාවික හමුදා භාරයට ගත් බවයි.

උතුරු මැද නාවික විධානය විසින් මන්නාරම පේසාලේ ප්‍රදේශය‍ට ඔබ්බෙන් වූ මුහුදු ප්‍රදේශයේ සිදු කළ මෙහෙයුමේදී සැක කටයුතු ලෙස යාත්‍රා කරමින් තිබු ඩිංගි යාත්‍රාවක් නිරීක්ෂණය කර තිබේ.

පසුව සිදු කළ වැඩිදුර පරීක්ෂාවේදී නීති විරෝධී ලෙස ඉන්දියාවට සංක්‍රමණය වීමට උත්සහ කළ බවට සැකපිට පුද්ගලයන් පස් දෙනෙක් හා ජාවාරමට සම්බන්ධ බවට සැක කෙරෙන දෙදෙනෙක් සමගින් එම ඩිංගි යාත්‍රාව නාවික හමුදා භාරයට ගත් බව ශ්‍රී ලංකා නාවික හමුදාව වැඩි දුරටත් සදහන් කරයි.

අත්අඩංගුවට ගත් සංක්‍රමණය වීමට උත්සහ කළ බවට සැකකෙරෙන පුද්ගලයන් අතර අවුරුදු 29ක් වන පිරිමි පුද්ගලයෙක්, අවුරුදු 29 සහ 38 වයස් වල පසුවන කාන්තාවන් දෙදෙ‍නෙක්, අවුරුදු 08 සහ 09 වයස් වල පසුවන ගැහැණු ළමුන් දෙදෙනෙක් වේ.

නාවික හමුදාව පවසන්නේ ඔවුන් මන්නාරම නානට්ටාන් ප්‍රදේශයේ පදිංචි ශ්‍රී ලාංකික පුද්ගලයන් බවට හඳුනා ගත් බවයි.

“එමෙන්ම නාවික හමුදා භාරයට ගත් ජාවාරමට සම්බන්ධ බවට සැකකරන පුද්ගලයන් දෙදෙනා වයස අවුරුදු 32 සහ 37 ක් වන පේසාලේ ප්‍රදේශයේ පදිංචි කරුවන් බවට හඳුනා ගන්නා ලදී.”

කොවිඩ් 19 ව්‍යාප්තිය වැළැක්වීම සම්බන්ධයෙන් ලබාදී ඇති සෞඛ්‍ය උපදෙස් හා ක්‍රමවේදයන්ට අනුකූලව සිදු කළ මෙම මෙහෙයුමේදී නාවික හමුදා භාරයට ගත් පුද්ගලයන් සහ ඩිංගි යාත්‍රාව, ඉදිරි නීතිමය කටයුතු සඳහා පේසාලේ පොලිසිය වෙත භාර දීමට කටයුතු කළ අතර, මෙම සිදුවීම පිළිබඳ වැඩිදුර තොරතුරු සොයා විමර්ෂණ කටයුතු නාවික හමුදාව හා පොලිසිය එක්ව මේවන විටත් සිදුකරමින් පවතින බව ශ්‍රී ලංකා නාවික හමුදාව නිවේදනය කර තිබේ.

 

Facebook Comments

wedding people