බලාපොරොත්තු බිද වැටුණු, අපේක්ෂා භංගකළ රටක් ලෙස ශ්‍රී ලංකාව අද ජාත්‍යනත්ර දුෂණ විරෝධී දිනය සමරණ බව නිදහස් හා සාධාරණ මැතිවරණයක් සදහා වන ජාතික ව්‍යාපාරය හෙවත් කැෆේ සංවිධානය පවසයි.
ගෙවී ගිය වසර තුල දුෂණ මර්ධනය සදහා එක්සත් ජාතීන්ගේ නිර්ණායක අනුව යන එකම අලුත් නීතියක් හෝ හදුණ්වාදීමට රජයට නොහැකි වු අතර වත්කම් බැරකම් ප්‍රකාශ නීති කෙටුම්පතක් හෝ 2016 වසරේ දී නීතියක් බවට පත් වූවේ නැති බවයි නිවේදනයක් නිකුත් කරමින් කැෆේ සංවිධානය පෙන්වා දෙන්නේ.
පසුගිය සමයේ ‘ජාතික විගණන පනත‘ පිළිබද බලාපොරොත්තු ඉටු නොවු බව පෙන්වා දෙන එම සංවිදානයේ විධායක අධ්‍යක්ෂ කීර්ති තෙන්නකෝන් මහතා එම නිවේදනය මගින් සදහන් කර ඇත්තේ අවම වශයෙන් ‘ජාතික ප්‍රසම්පාදන කොමිෂන් සභාවට‘ සමාජිකයන් පත් කිරීමට හෝ රජය සමත් නොවු බැවින් ‘2016 ශ්‍රී ලංකාව දුෂණ විරෝධී සටනේ අසමත් වූ රාජ්‍යයක් ලෙස සැලකීම නිවැරදි‘ බවයි.
නව නීතිපතිවරයා පත්වීමෙන් පසුව නඩු පැවරීමේ ක්‍රියාවලිය වේගවත් වනු ඇතැයි තැබූ බලාපොරොත්තු ද වියැකී යමින් තිබෙන බව පවසන විධායක අධ්‍යක්ෂවරයා අවධාරණය කර ඇත්තේ මහ බැංකු බැදුම්කර වංචාව, ගල් අගුරු වංචාව ඇතුළු සිදුවීම් ගණනාවක් මේ වසරේ දී යහපාලන රජය යටතේ කරළියට පැමිණ ඇති අතර වත්මන් රජයට එරෙහිව එක පිට එක දුෂණ චෝදනා එල්ල වන පරිසරයක් ගොඩ නැගෙමින් තිබෙන බවයි.
2015 ජනාධිපතිවරණ සමයේ සිදු කළ කිසිදු පූර්ව ප්‍රචණ්ඩක්‍රියාවකට, මහජන දේපල අයථා පරිහරණයකට, බඩු බෙදීමකට, රාජ්‍ය සම්පත් අවභාවිතයකට එරෙහිව අවම වශයෙන් මුලික විමර්ශනයක් හෝ පවත්වා නඩු පවරන්නට රජය අසමත් වී ඇති බව එම නිවේදනය මගින් අවධාරණය කර තිබේ.
ප්‍රකට රනුග්ගේ වාර්තාවේ චෝදනා සම්බන්ධයෙන් මුලික විමර්ශනයක් හෝ අවසන් කිරීමට රාජ්‍ය පරිපාලන අමාත්‍යාංශයට හැකිවී නැති බවද එම නිවේදනය මගින් තව දුරටත් පෙන්වා දෙයි.
දුෂණ විරෝධී සටනේ ජනමාධ්‍ය සතු වගකීම ද සුවිශේෂී බව පෙන්වා දෙන නිදහස් හා සාධාරණ මැතිවරණයක් සදහා වන ජාතික ව්‍යාපාරයයේ විධායක අධ්‍යක්ෂවරයා පවසන්නේ අධිකරණ කේෂේත්‍රෙය් දුෂණ හෙළි කළ මාධ්‍ය වේදීන්ට ජාත්‍යන්තර රතු වරෙන්තු නිකුත් කර මාධ්‍ය මර්ධනය කරා යන ගමන ඇරඹී ඇති අතර, අපරාධ සිදු කල පුද්ගලයන්ට දේශපාලන නිදහස තහවුරු වී ඇති රටක් බවට ශ්‍රී ලංකාව පත්ව ඇති බවයි.
ජාත්‍යන්තර දුෂණ විරෝධී දිනය දවසේ තවත් සාම්ප්‍රදායික පණිවුඩයක් නිකුත් කිරීමට කැෆේ සංවිධානයට හැකියාවක් නොමැති බව පවසන කැෆේ සංවිදානය පවසන්නේ ‘පැහැදිලි ලෙසම අප 2016 වසර තුල අල්ලස, දුෂණය, නාස්තිය පිළිබද සටනෙන් පරාජයට පත්වී ඇත්තෙමු යැයි‘ යනුවෙනි.
Facebook Comments
