එක්සත් ජාතීන්ගෙන් යුක්තිය ඉල්ලා විදේශිකයන් කොළඹ අරගලයක (VIDEO)

0

කවර හෝ රටක තමන් ස්ථිර පදිංචියට යොමු කරන ලෙස ඉල්ලා ලංකාවේ සිටින විදේශ සරණාගතයන් පිරිසක් කොළඹ දී සාමකාමී උද්ඝෝෂණයක් පවත්වා තිබේ.

“යුක්තිය දියව්” යනුවෙන් සටන්පාඨ හඬ නැගු ඔවුන් අතර දරුවන්ද සිටිනු දකිත හැකි විය.

කොළඹ පිහිටි සරණාගතයන් සඳහා වූ එක්සත් ජාතීන්ගේ මහ කොමසාරිස් (UNHRC) කාර්යාලය ඉදිරිපිටට 23 දා රැස්වූ සිට මෙරට සිටින පකිස්ථාන පවුල් කිහිපයක් උද්ඝෝෂණය කරමින් කියා සිටියේ ස්ථිර පදිංචිය කඩිනම් කරමින්, නිවාස, අධ්‍යාපනය, සෞඛ්‍ය හා ජිවන වියදම් ගැටළු වලට තිරසාර විසදුම් ලබා දෙන ලෙසයි.

“යුක්තිය දියව්” යනුවෙන් සටන්පාඨ හඬ නැගු ඔවුන් අතර දරුවන්ද සිටිනු දකිත හැකි විය. ඔවුන් අත වූ ඉංග්‍රීසියෙන් හා උර්දු බසින් ලියවුනු පුවරුවල “සරණාගතයන් මරුමුවට හරවා යවන්න එපා, සරණාගතයන්ද මනුෂ්‍යයන්ය” ආදී පාඨ ලියා තිබුණි.

සරණාගතයන් සඳහා වූ එක්සත් ජාතීන්ගේ මහ කොමසාරිස් කාර්යාලයේ සරණාගතයන් ලෙස ලියාපදිංචි වී ඇති පිරිස් මෙන්ම සරණාගත බව ඉල්ලා අයදුම් කර ඇති අයද මෙම උද්ඝෝෂණයට එක්වූ අතර ඔවුන් බියට පත්ව ඇත්තේ ලබා දෙන සහන කප්පාදු කරමින්, කොළඹ එජා සරණාගත කාර්යාලය වසා දමන බවට ලැබී තිබෙන තොරතුරු අනුවයි.

“පාකිස්ථානය, මියන්මාරය, ඇෆ්ගනිස්ථානය, සිරියාව, යේමනය, නයිජීරියාව ඇතුළු රටවල් වලින් 800 ක් දෙනා සරණාගතයන් ලෙස ලංකාවේ ඉන්නවා. එයාලා ලංකාවේ ඉන්නේ නීත්‍යානුකූලවයි. UNHRC එක තමයි ඒ ගොල්ලෝ ගැන වගකීම දරන්නේ, “ යැයි සමාජ හා සාමයික කේන්ද්‍රයේ මානව හිමිකම් ක්‍රියාධරයෙකු වූ රුකී ප්‍රනාන්දු පවසයි.

වසර දෙකේ සිට වසර 10ක් දක්වා කාලයක් විදේශීය සරණාගතයන් ලෙස මොවුහු මිගමුව, පානදුර, දෙහිවල, ගල්කිස්ස ප්‍රදේශවල වාසය කරති. ඔවුන්ගෙන් බහුතරය මියන්මාරයේ බෞද්ධ ජුන්ටාවෙන් දිවි ගලවා ගෙන පැමිණි රෝහින්ගයා ජාතිකයන් වන අතර සෙස්සෝ පාකිස්තානයේ ඉස්ලාම් මුලධර්මවාදීන්ගේ ග්‍රහණයෙන් මිදී පළා ආ ක්‍රිස්තියානි සහ වෙනත් සුළුතර ඉස්ලාම් නිකායන්ට අයත් වුවන්ය.

මෙසේ දේශපාලනික, ආගමික ගැටුම් හා යුද්ධ හේතුවෙන් දිවි ගලවා ගෙන උපන් රටවලින් පළා එන පිරිස් සරණාගතයන් පිලිබඳ එක්සත් ජාතීන්ගේ මහ කොමසාරිස් කාර්යාලය විසින් සිය සාමාජික රටවල තාවකාලිකව ලියා පදිංචි කර පසුව තෝරාගත් රටක ස්ථිර පදිංචියට යොමු කෙරේ.

“මේ අයට ලැබෙන දීමනා අවුරුදු කිහිපයක සිට ලැබෙන්නේ නැහැ කියලා දුක්ගැනවිල්ලක් තියෙනවා. ඉදිරියේදී ඒවා තවත් කප්පාදු කිරීමක් වෙයි කියන සැකයක් මේ අය අතර තියෙනවා.“ යැයි මානව හිමිකම් ක්‍රියාධර රුකී ප්‍රනාන්දු පෙන්වා දෙයි.

ලංකාවේ වෙසෙන විදෙස් සරණාගතයන් අතර බහුතරයක් නීතිඥයන්, ගුරුවරු, ඖෂධවේදීන්, සිටියද ඔවුන්ට මෙරට තුල රැකියා කිරීමේ නිතියානුකුල බවක් නොමැත.

පාසැල් යන වියේ සිටින දරුවන්ට අධ්‍යාපන අහිමි වී ඇති බැවින් කඩිනමින් ස්ථිර පදිංචියකට යොමු කරන මෙන් උද්ඝෝෂකයෝ ඉල්ලා සිටිති.

ලංකාවේ පැවති දෙමළ ජන සංහාරක යුද්ධය නිසා මෙරටින් පළා ගිය පිරිස් දැනට වසර ගණනාවක් පුරා ඉන්දියාව, නේපාලය, තායිලන්තය, ඉන්දුනීසියාව, මැලේසියාව වැනි රටවල වෙසෙන්නේ මේ ආකාරයෙන් සරණාගතයන් පිලිබඳ එක්සත් ජාතීන්ගේ මහ කොමසාරිස් කාර්යාලයේ ලියාපදිංචි වීමෙනි.

Facebook Comments

wedding people