පැහැරගෙන යෑම, අත්අඩංගුවට ගැනීම, හා හමුදාවට භාරවීමෙන් අතුරුදන්වූ සිය ඥාතීන් පිළිබඳ තොරතුරු හෙළිකරන්නැයි සහ දේශපාලන සිරකරුවන් නිදහස් කරන ලෙසත් ඉල්ලමින් අවධාරණය කර 23 සඳුදා වව්නියාවේදී ආරම්භ කරන ලද උපවාසය අද (25) ක්‍රියාත්මත විය.
වව්නියාව තැපැත් කාර්යාලය අසල පසුගියදා ආරම්භ කළ මාරාන්තික උපවාසයට අද දින වව්නියාවේ තරුණයන් ද සහාය ලබාදීමට තීරණය කර ඇති බවයි වාර්තා වන්නේ.
යුද්දය අවසන් වී වසර අටක් ගතවූ නමුත් මෙතෙක් තම ඥාතින් පිළිබඳව කිසිඳු තොරතුරක් රජය නිකුත් නොකිරීම හේතුවෙන් මිට පෙරද අවස්ථා ගණනාවක් විරෝධතා පවත්වා පෙත්සම් භාරදුන් නමුත් කිසිඳු විසඳුමක් නොලැබීම හේතුවෙන් මෙම මාරාන්තික උපවාසයක් ආරම්භ කර බවයි උපවාසයේ නිරත පිරිස් පවසන්නේ.
රජයේ ඔත්තු සේවා තර්ජන
මෙම උපවාසය වාර්තා කිරිමට එම ස්ථානයට ගියවිට නාඳුනන පිරිසක් පොලිසිය බලා සිටියදී අවහිරයකින් තොරව උපවාසයේ නිරත පිරිස් වීඩියෝ ගත කරමින්ද, ඡායාරූප ගනිමින් ද සිටි බව මාධ්‍ය වාර්තා කර තිබුණි.
ඔවුන් මෙතෙක් දැක නොමැති අය වීම හේතුවෙන් එය තමන්ට තර්ජනයක් ලෙස දැනුන බවත් එම පිරිස අපරාධ පරීක්ෂණ දෙපාර්තමේන්තුවේ හෝ ත්‍රස්ත විමර්ශන ඒකකයේ නිලධාරීන් විය හැකියි බවටයි උපවසයේ නිරත පිරිස් විශ්වාසය පල කළේ.
මේ අතර ඊයේ සවස පැමිණි පොලිසිය උපවාසයේ නිරතවන පුද්ගලයන්ගේ තොරතුරු ද එක්රැස් කරගෙන ගිය බව ද උපවාසයේ නිරත පිරිස් පවසයි.
Facebook Comments
