ඇතැම් පිරිස් උතුරේත්, දකුණේත් සහජීවනය කඩා බිඳ දැමීමට උත්සහ දරණ බව ජාතික සංහිඳියා සහ රාජ්ය භාෂා පිළිබඳ අමාත්ය මනෝ ගනේෂන් චෝදනා කරයි.
යහපාලන රජය විසින් ගොඩනංවන සංහිඳියා වැඩපිලිවෙළ විනාශ කිරීමට කිසිවෙකුටත් ඉඩ නොතබන අතර නොසැලී ඒ වෙනුවෙන් කැප වන බවට ඇමතිවරයා කියා සිටියේ අවිස්සාවේල්ල,පුවක්පිටිය ප්රදේශය පැවති ජන හමුවක්දීය.
ලබන වසරේ සිට රාජ්ය සේවයට ඇතුළත් වන පුද්ගලයන් හට සිංහල සහ දෙමළ භාෂාව හැසිරවීමේ හැකියාව මත සම්මුඛ පරීක්ෂණයේදී අතිරේක ලකුණු 04 ක් ලැබෙන ලෙස කැබිනට් සන්දේශයක් ගෙන එන බවද මනෝ ගනේෂන් මෙහිදී අනාවරණය කළේය.
තම අමාත්යංශයේ වගකීම් යටතේ භාෂා ගුරුවරු බිහි කිරීම,භාෂා පරිවර්තකයින් බිහිකිරීම සහ මෙරටේ සැම අංශයකම සිටින පුද්ගලයින්ට භාෂා ඥානය ලබා දීම සිදු කර රාජ්ය භාෂා ප්රතිපත්තිය යාථාර්ථයක් කරන බවද ඇමතිවරයා අවධාරණය කළේය.
ජාතීන් දහ නවයක්
ජාතික සංහිඳියා සහ රාජ්ය භාෂා පිළිබඳ අමාත්යංශය යටතේ ලියාපදිංචිය ලද ලංකාව තුළ ජීවත් වන ජාතීන් දහ නවයක් සිටින බව හෙළි කල අමාත්ය මනෝ ගනේෂන් රට තුළ ජීවත් වන සෑම ජාතියක්, ආගමක් තුළම සහජීවනය ඇති කරන බවට අවධාරණය කළේය.
රට දෙකඩ කිරීමට කිසිසේත්ම ඉඩ නොතබන බවත් බලය බෙදා සමාදානයෙන් එකම ශ්රී ලාංකික ජාතියක් ලෙස ජිවත් විය හැකි රටක් ගොඩනැඟිම යහපාලන රජයේ බලාපොරොත්තුව බවද හෙතෙම පැවසීය.