සංක්‍රමණිකයන්ගේ සෞඛ්‍ය පිළිබඳ සමුළුව පෙබරවාරි 21 සිට

0

සංක්‍රමණිකයන්ගේ සෞඛ්‍ය පිළිබඳ දෙවන ජාත්‍යන්තර සමුළුව පෙබරවාරි මස 21 සිට 23 දක්වා කොළඹ දී පැවැත්වීමට නියමිත බව සෞඛ්‍ය හා පෝෂණ හා දේශීය වෛද්‍ය අමාත්‍යාංශයේ ලේකම් අනුර ජයවික්‍රම පවසයි.

සංක්‍රමණිකයන්ගේ සෞඛ්‍ය පිළිබඳ දෙවන ජාත්‍යන්තර සමුළුව සම්බන්ධයෙන් මාධ්‍ය දැනුවත්කිරීම සඳහා 14අගහරුවාදා කොළඹ, සෞඛ්‍ය අධ්‍යාපන කාර්යාංශයේ පැවැති ප්‍රවෘත්ති සාකච්ඡාවට සහභාගීවෙමින් ලේකම්වරයා ඒ බව සඳහන් කර තිබේ.‍

ජනාධිපති මෛත්‍රිපාල සිරිසේනගේ , සහ ලෝක සෞඛ්‍ය සංවිධානයේ අධ්‍යක්ෂ ජනරාල් මාග්‍රට් චෑන්ගේ ප්‍රධානත්වයෙන් , සෞඛ්‍ය අමාත්‍ය වෛද්‍ය රාජිත සේනාරත්නගේ සහභාගීත්වයෙන් මෙන්ම දෙස් විදෙස් නියෝජිතයන් රැසකගේ සහභාගීත්වයෙන් සමුළුව පැවැත්වීමට නියමිතව ඇත.

ලෝකයේ රටවල් 50ක පමණ නියෝජිතයන් සමුළුවට සහභාගී නියමිතය.

සංක්‍රමණික සෞඛ්‍ය ප්‍රතිපත්තියක් සකස් කිරීම සම්බන්ධයෙන් ශ්‍රී ලංකාව මූලිකත්වය ගෙන කටයුතු කළ රටක් ලෙස දෙවන සමුළුව ශ්‍රී ලංකාවේ පැවැත්වීමට කටයුතු කළ බව සෞඛ්‍ය සේවා අධ්‍යක්ෂ ජනරාල් වෛද්‍ය ජේ.එම්.ඩබ්. ජයසුන්දර බණ්ඩාර මාධ්‍ය හමුවට එක්වෙමින් ප්‍රකාශ කර තිබේ.

සමුළුව අවසානයේ දී සංක්‍රමණික සෞඛ්‍ය පිළිබඳ ප්‍රතිපත්තිය ඇතුළත් කොළඹ ප්‍රකාශය ජනාධිපතිතුමාගේ ප්‍රධානත්වයෙන් එළිදැක්වීමට නියමිත බවද සෞඛ්‍ය සේවා අධ්‍යක්ෂ ජනරාල්වරයා සදහන් කර ඇත.

Facebook Comments