රගර් ක්‍රීඩක වසීම් තාජුඩීන් ඝාතන සිද්ධියේ සාක්ෂි වසන් කිරිමේ චෝදනා එල්ල වී ඇති කොළඹ හිටපු ප්‍රධාන අධිකරණ වෛද්‍ය නිලධාරි මහාචාර්ය ආනන්ද සමරසේකර හට කොළඹ මහේස්ත්‍රාත් අධිකරණෙයන් ඇප හිමිව තිබේ.
නීතිඥයෙකු මාර්ගයෙන් 19 බ්‍රහස්පතින්දා අධිකරණයට බාර වීමෙන් අනතුරුව සැකකාර වෛද්‍යවරයා හට ඇප හිමි විය.
මහාචාර්ය ආනන්ද සමරසේකර වසීම් තාජුදීන් ඝාතනයේ සැකකරුවෙකු ලෙස නම් කර ඔහු අත්අඩංගුවට ගැනිමට වරෙන්තුවක් නිකුත් කරන ලෙස අපරාධ පරික්ෂණ දෙපාර්තමේන්තුව මීට පෙර කොළඹ අතිරේක මහේස්ත්‍රාත් අධිකරණයෙන් ඉල්ලා තිබුණි.
අපරාධ පරික්ෂණ දෙපාර්තමේන්තුවේ එම ඉල්ලීම සම්බන්ධයෙන් නියෝගය අද දිනයේ නිකුත් කිරිමට නියමිතව තිබියදී මහාචාර්ය ආනන්ද සමරසේකර අධිකරණයට බාර විය.
රුපියල් ලක්ෂ 5 බැගින් වන ශරීර ඇප මත ඔහු මුදා හැරිණු අතර විදෙස් ගමන් තහනමක්ද පනවා ඇත.
Facebook Comments
