පාප් වහන්සේගේ වෙනස්කම් ගැන රෝහින්ග්‍යාවරු කනස්සල්ලෙන්

0

මියන්මාරයේ සංචාරයක නිරත ෆ්‍රැන්සිස් පාප් වහන්සේ පීඩාවට පත් තමන්ගේ වාර්ගික නාමය සඳහන් කිරීමෙන් මගහැර සිටීම ගැන රෝහින්ග්‍යා වරුන් කනස්සල්ල පළකර තිබේ.

“උන්වහන්සේ ලෝකයේ ශුද්ධවන්තම පුද්ගලයා උන්වහන්සේටත් අපේ ජාතියේ නම කියන්න බැරි නම් අපි වෙනුවෙන් පෙනී ඉන්නේ කවුද” යි රෝහින්ග්‍යවරු ප්‍රකාශ කරයි.

පාප් වහන්සේගේ සංචාරයට පෙර චාර්ල්ස් මොන් බෝ කාදිනල්වරයා ඉල්ලා තිබුනේ හමුදාවත්, ආණ්ඩුවත්, පොදු ජනතාවත් නොකැමැති ඒ වචනය නොදොඩා සිටින ලෙසයි.

මියන්මාරයේ බලගතු හමුදා ප්‍රධානියා පාප් වහන්සේ හමුවී රටේ “ආගමික වෙනස්කම් පෑමක් සිදු නොවන” බව කියා ඇත.

පාප් වහන්සේ සමග සාකච්ඡාවෙන් පසු අවුං සාං සුචී රෝහින්ග්‍යා ව්‍යසනය ගැන සඳහන් කළේ “ලෝකයේ අවධානය යොමුවී ඇති රඛයින් ප්‍රාන්තයේ තත්වය” ලෙසයි.

Facebook Comments