අග්‍රාමාත්‍ය රනිල් වික්‍රමසිංහට එරෙහිව ඒකාබද්ධ විපක්ෂය ඉදිරිපත් කරන ලද විශ්වාස භංග යෝජනාව අප්‍රියෙල් 04 වනදා විවාදයට ගැනීමට තීරණය කල බව කතානායක කාර්යාලය නිවේදනය කරයි.
එදින පෙරවරු 9.30 සිට පස්වරු 9.30 දක්වා පැය දොලහක කාලයක් විවාදය පැවැත්වීමට 22 බ්‍රහස්පතින්දා පැවති පක්ෂ නායක රැස්වීමේදී තීරණය කර තිබේ.
මහ බැංකුවට ශ්‍රී ලංකාවේ පුරවැසියෙකු නොවන පුද්ගලයෙකු පත් කිරිම, ඇතුළු බැදුම්කර වංචාවට අනුබල දීම යන කරුණු මුලික කර ගනිමින් ඒකාබද්ධ විපක්ෂය විසින් 21 බදාදා අග්‍රාමාත්‍ය රනිල් වික්‍රමසිංහට එරෙහි විශ්වාස භංග යෝජනාව කතානායක වෙත බාර දෙන ලදි.
විශ්වාස භංග යෝජනාව සඳහා ඒකාබද්ධ විපක්ෂයේ මන්ත්‍රීවරුන් 51ක් හා ආණ්ඩුවේ පාර්ශවකාර පක්ෂයක් වන ශ්‍රී ලංකා නිදහස් පක්ෂ මන්ත්‍රීවරුන් 4 දෙනෙක් අත්සන් තබා තිබේ.
Facebook Comments
