දකුණු කොරියාව සමඟ පැවැත්වෙන සාකච්ඡා අත්හිටුවීමට උතුරු කොරියාව තීරණය කිරීම හමුවේ දෙරට අතර ඇති වෙමින් තිබු සාමය බිඳ වැටිමේ අනතුරක් මතුව තිබේ.
ඇමෙරිකාව සමඟ දකුණු කොරියාව ඒකාබද්ධව යුධ අභ්‍යාසයක නිරතවීමට විරෝධය පළ කරමින් බදාදා පැවැත්වීමට නියමිතව තිබූ සාකච්ඡා අත්හිටුවීමට උතුරු කොරියාව පියවර ගෙන ඇති බව විදෙස් මාධ්‍ය වාර්තා කර තිබුණි.
උතුරු කොරියානු මාධ්‍ය වාර්තා කර ඇත්තේ අදාළ යුධ අභ්‍යාසය, ප්‍රකෝප කිරීමක් සහ ආක්‍රමණයක් සඳහා වන පෙරහුරුවක් බවටයි.
“මැක්ස් තන්ඩර්” ලෙස හදුන්වන ඒකාබද්ධ යුධ අභ්‍යාසය සඳහා යුධ ගුවන් යානා සියයකට අධික සංඛ්‍යාවක් , ප්‍රහාරක ජෙට් යානා මෙන්ම, බී 52 වර්ගයේ බෝම්බ ඇතුළු යුධෝපකරණ භාවිත කිරීමට ඇමෙරිකාව සහ දකුණු කොරියාව සැළසුම් කර ඇති බවයි විදෙස් මාධ්‍ය වාර්තා කරන්නේ.
