සමාජ ඡාලා සහ විවිධ මාධ්‍ය ඔස්සේ තමන්ට එරෙහිව අපහාසත්මක හා තර්ජනාත්මක පුවත් හා ලිපි පල කරනු ලබන්නේ සංවිධානාත්මක පිරිසක් විසින් බවට අතුරුදහන් වු මාධ්‍යවේදී ප්‍රගීත් එක්නැළිගොඩගේ බිරිඳ චෝදනා කරයි.
ප්‍රගීත් එක්නැළිගොඩ අතුරුදහන් කරවීම සම්බන්ධව සහ බොදුබල සේනා නායකයා තමන්ට කරන ලද තර්ජන වලට අදාළව මෙම තර්ජනාත්මක සහ අපහාසත්මක දෑ පල වන බවටයි සන්ධ්‍යා ප්‍රියංගි එක්නැළිගොඩ පෙන්වා දෙන්නේ.
සමාජ ඡාලා හා අනෙකුත් මාධ්‍ය ඔස්සේ පල වන දෑ තමන්ට මෙන්ම තම දරුවන්ට ද එල්ල වන තර්ජනයක් ලෙසයි ඇය අවධාරණය කරන්නේ.
“මේක මගේ සහ දරුවන්ගේ ජිවිත වලට තර්ජනයක් ඒක නිසා මේ රටේ නීතියට ගරු කරන පුරවැසියෙක් විදියට මම අද ඒ සඳහා නීතිමය කටයුතු කරන්න ආවා.” යි සන්ධ්‍යා එක්නැළිගොඩ කියා සිටියේ තමන්ට එල්ල වන තර්ජන සම්බන්ධව ජුනි 23 වනදා අපරාධ පරික්ෂණ දෙපාර්තුමේන්තුවට පැමිණිළි කිරිමෙන් අනතුරුව මාධ්‍ය අමතමිනි.
උසාවිය තුල තමන්ට බැණ වැදී අඩන්තේට්ම් කිරිම සම්බන්ධයෙන් බොදුබල සේනා නායක ගලගොඩ අත්තේ ඥාණසාර හිමි වරදකරු වී සිර දඬුවම් නිය‍ම වීමෙන් අනතුරුව තමන්ට එරෙහිව මෙසේ අපහාසාත්මක හා තර්ජනනාත්මක දෑ යම් සංවිධානාත්මක කණ්ඩායමක් විසින් පල කරමින් සිටින බවටයි සන්ධ්‍යා ප්‍රියංගි එක්නැළිගොඩ වැඩි දුරටත් පෙන්වා දෙන්නේ.
Facebook Comments
