“ජනතාව අත්පොලසන් දිය යුත්තේ දේශපාලඥයන් පොරොන්දු ඉටු කරන විට”

0

ජනතාව අත්පොලසන් දිය යුත්තේ දේශපාලනඥයා පොරොන්දු ලබා දෙන විට නොව පොරොන්දු ඉටු කරන විට බව මුදල් හා ජනමාධ්‍ය අමාත්‍යවරයා පවසයි.

දේශපාලනඥයන්ගේ පොරොන්දුවලට අත්පොලසන් ලබා දීමේ ප්‍රතිවිපාක පසුගිය වසර දහයක කාලය තුළ ජනතාවට විඳින්නට සිදු වූ බව මංගල සමරවීර ඇමැතිවරයා 01 බදාදා පැවති පොළොන්නරුව, ඇළහැර, පොකුරුගම පානීය ජල යෝජනා ක්‍රමය ජනතා අයිතිට පත් කිරීමේ අවස්ථාවට එක්වෙමින් සිහිපත් කර දුනි.

“එදා ජනතාව පොරොන්දුවලට අත්පොලසන් දුන්නා. එදා පාරවල් හැදුව. හම්බන්තොට පාරවල් හැදුව. අද ගිහින් බලපුවා ම යන්නෙ බස් හතරයි පහයි ඒ පාරවල්වල. ඒකෙන් සැබෑ සංවර්ධනයක් වුණේ නෑ. ඒ නිසා ජනතාව අත්පොලසන් දිය යුත්තේ පොරොන්දු දෙන වෙලාවට නෙවෙයි ඒවා ඉටු කළ වෙලාවට.” යි ඇමැතිවරයා කියා සිටියේය.

වත්මන් රජය යටතේ ගම දියුණු කිරිම වෙනුවෙන් වැඩසටන් රැසක් ක්‍රියත්මක බව කී අමාත්‍යවරයා “ග්‍රාම ශක්ති වැඩසටහන් එක පැත්තකින් ක්‍රියාත්මක වෙන අතරෙ ගම්පෙරළිය කඩිනම් ග්‍රාමීය සංවර්ධන වැඩසටහන අනිත් පැත්තෙන් ක්‍රියාත්මක වෙනවා.” යි පැවසීය.

මේ අතර ක්ෂුද්‍ර මූල්‍ය සමාගම් වලින් ලබා ගෙන ඇති රුපියල් ලක්ෂයට අඩු ණය සහ පොලිය කපා හැරීම අගෝස්තු 01 වනදා සිට ක්‍රියාත්මක බව ද මුදල් හා ජනමාධ්‍ය අමාත්‍ය මංගල සමරවීර වැඩි දුරටත් කියා සිටියේය.

Facebook Comments

wedding people