ජාතික ගැටලුවට දේශපාලන විසඳුමක් ලෙස මේ දක්වා සැකච්ඡා කර ඇත්තේ රාජපක්ෂ පාලනයේ ඉදිරිපත් කරන ලද සර්ව පාක්ෂික යෝජනා පමණක් බව අගමැතිවරයා ප්‍රකාශ කර තිබේ.
එවක එම යෝජනා පිළිබඳව ප්‍රසාදය පළ කල පිරිස් අද වන විට ඒවා ප්‍රතික්ෂේප කරන්නේ කෙසේ දැයි අගමැති රනිල් වික්‍රමසිංහ 14 බ්‍රහස්පතින්දා යාපනයේදී ප්‍රශ්න කළේය.
රට බෙදන කිසිඳු යෝජනාවකට එක්සත් ජාතික පක්ෂය එකඟ නොවන බව ද අගමැතිවරයා අවධාරණය කරන ලදී.
නියඟයෙන් පිඩාවට පත් ප්‍රදේශ වල කාන්තාවන් විසින් මුල්‍ය ආයතන හරහා ලබා දුන් ණය නිදහස් කිරීම වෙනුවෙන් යාපනේ වීරසිංහම් ශාලාවේ පැවති උත්සවයේදී අගමැතිවරයා මේ බව කියා සිටියේය.
මෙලෙස නිදහස් කරන ලද ණය ප්‍රමාණය කෝටි 140 කට ආසන්න බවයි මුදල් අමාත්‍යංශය පවසන්නේ.
යුධ ගැටුම් හේතුවෙන් පීඩාවට පත් උතුරු නැගෙනහිර පළාත්වල සංවර්ධන කටයුතු වේගවත් කර ජනතාවට උසස් ජීවන තත්වයක් සහ යහපත් අනාගතයක් උරුම කරදීම තම අපේක්ෂාව බවද රනිල් වික්‍රමසිංහ අගමැතිවරයා සඳහන් කළේය.
Facebook Comments
