විල්පත්තු වනාන්තරය ආශ්‍රිතව සිදුව ඇතැයි පැවසෙන වන විනාශය සිදුව ඇත්තේ රාජපක්ෂ පාලනය පැවති 2012 වසරේදී බව ජනතා විමුක්ති පෙරමුණ පාර්ලිමේන්තුවේදී ප්‍රකාශ කර තිබේ.
ජවිපෙ පාර්ලිමේන්තු මන්ත්‍රී නලින්ද ජයතිස්ස 25 සඳුදා පාර්ලිමේන්තුව කල් තැබීමේ අවස්ථාවේ විවාදයට එක්වෙමින් කියා සිටියේ ඒ බව වන සංරක්ෂණ දෙපාර්තමේන්තුවද තහවුරු කර ඇති බවයි.
එම කාලසීමාවේදී මෙම වන විනාශයට විරුද්ධ නොවූ පිරිස් වර්තමානයේ ඒ පිලිබද මත පළ කිරීම පිටුපස කවර අදහසක් පවතී දැයි ගැටලු සහගත බවයි නලින්ද ජයතිස්ස පෙන්වා දුන්නේ.
“2011-20012 කාලේ බැසිල් රාජපක්ෂ මහත්තයගේ ප්‍රධානත්වයෙන් ජනාධිපති කාර්ය සාධක බලකායක් හදලා ගස් කපලා ජනතාව පදිංචි කළේ. ”
2013 වසරෙන් පසු එම ප්‍රදේශයේ කිසිඳු ඉඩමක් නිදහස් කර නොමැති බවට වන සංරක්ෂණ දෙපාර්තුමේන්තුව තහවුරු කළ බව ද ජවිපෙ පාර්ලිමේන්තු මන්ත්‍රී නලින්ද ජයතිස්ස වැඩි දුරටත් කියා සිටියේය.
Facebook Comments
