මහ බැංකු බැදුම්කර සිද්ධිය පිළිබඳ කෝප් කමිටු වාර්තාව සහ විගණකාධිපති වාර්තාව නීතිපති දෙපාර්තමේන්තුවට යොමුකර තිබේ.
අග්රාමාත්ය රනිල් වික්රමසිංහගේ උපදෙස් පරිදි අදාළ වාර්තාව නීතිපති දෙපාර්තමේන්තුවට ඊයේ (31) දිනයේ යොමුකළ බව අග්රාමාත්ය කාර්යාලය සඳහන් කළේය.
මහ බැංකු බැදුම්කර සිද්ධිය පිළිබඳව කෝප් කමිටුව සිදුකළ විමර්ශන වාර්තාව පසුගියදා කෝප් කමිටු සභාපතිවරයා විසින් පාර්ලිමේන්තුවට ඉදිරිපත් කරනු ලැබුවේය.
එම වාර්තාව මගින් බැදුම්කර ගනුදෙනුවේ දී රජයට අලාභයක් සිදුවී ඇති බව හෙළිදරව් කර තිබුනි.
ඊට හිටපු මහ බැංකු අධිපතිවරයා වගකිව යුතු බවත් ඔහු ඇතුළු සිද්ධියට අදාළ සියළුම නිලධාරින්ට නඩු පැවරිය යුතු බවට එම වාර්තාව මඟින් නිර්දේශ කර තිබේ.
එම නීතිමය ක්රියා මාර්ග ගැනීම සඳහා අදාළ වාර්තාව නීතිපතිවරයා වෙත යොමු කල බව අගමැති කාර්යාලය සඳහන් කරයි.