රහස් පොලිසියට, නීතිපතිට නොතීසි

0

කොළඹ හිටපු ප්‍රධාන අධිකරණ වෛද්‍ය නිලධාරී වෛද්‍ය ආනන්ද සමරසේකර ඉදිරිපත් කළ පෙත්සමකට අදාළව කොළඹ මහාධිකරණය, අපරාධ පරීක්ෂණ දෙපාර්තමේන්තුවට නොතීසි නිකුත් කර ඇත.

රගර් ක්‍රීඩක වසීම් තාජුදීන්ගේ අස්ථි කොටස් අස්ථානගත කළැයි කියන සිද්ධිය සම්බන්ධයෙන් තමා අත්අඩංගුවට ගැනීම වළක්වාලමින් අතුරු නියෝගයක් නිකුත් කරන ලෙස ඉල්ලා ගොනු කළ අපේක්ෂිත ඇප පෙත්සම ප්‍රතික්ෂේප කිරීමට කොළඹ මහේස්ත්‍රාත් අධිකරණය දුන් තීන්දුව ප්‍රතිශෝධනය කරන ලෙස ඉල්ලමින් අදාළ පෙත්සම ගොනු කර ඇති බව සඳහන්ය.

ඒ අනුව අදාළ පෙත්සම විභාගයට ගැනිමට මහාධිකරණ විනිසුරු පද්මිණී එන්.රණවක තීරණය කළ අතර එම තීරණයට අනුව නීතිපතිට හා රහස් පොලිසියට ඔක්තෝබර් 27 වැනි දා අධිකරණයේ පෙනී සිටින ලෙසට නොතීසි නිකුත් කළ බවයි සිලෝන් ජර්නල්ස් අධිකරණ වාර්තාකරු පවසන්නේ.

Facebook Comments

wedding people