බෝපිටිය ප්‍රදේශයට කුණු කසළ බැහැර කරලීම සම්බන්ධයෙන් මාධ්‍යවේදියෙකු විසින් ප්‍රශ්න කිරීමෙන් පසු යහපාලන රජයේ සංචාරක සංවර්ධන හා ක්‍රිස්තියානි ආගමික කටයුතු අමාත්‍ය ජෝන් අමරතුංග අදාළ මාධ්‍යවේදියාට මරණ තර්ජනය කර පහර දීමේ උත්සාහයක නිරත වී එළවා දමා තිබේ.
වත්තල, කෙරවලපිටිය, මුතුරාජවෙල ආදී ප්‍රදේශවලට කොළඹ කුණු බැහැර කරලීම සම්බන්ධයෙන් ප්‍රදේශවාසීන් විසින් විරෝධතා දැක්වීමෙන් අනතුරුව එම ගැටලුව සම්බන්ධයෙන් අමාත්‍යවරයා කඳාන පිහිටි සිය කාර්යාලයේදී මාධ්‍ය හමුවක් කැඳවා තිබුණි.
එම අවස්ථාවේදී කුණු බැහැර කිරීම සම්බන්ධව ජනතාව විසින් ඇමතිවරයාට නඟන චෝදනා සම්බන්ධව මාධ්‍යවේදීයා ප්‍රශ්න කල අවස්ථාවේදී “මමනේ එතනින් මෙහාට ගෙනාවේ තමුසේ දන්නේ නැද්ද, බොරු මගුල් දාන්න එපා ඕයි ගහනව තුන් හතර දෙනාටම මැරිල යන්න” යනුවෙන් තර්ජනය කර ඇත.
නැවතත් ඒ සම්බන්ධව මාධ්‍යවේදීයා ප්‍රශ්න කල අවස්ථාවේදී පර්ෂ වචනයේ බැණ වැදී ඇති සංචාරක සංවර්ධන හා ක්‍රිස්තියානි ආගමික කටයුතු අමාත්‍ය ජෝන් අමරතුංග තම ආරක්ෂකයින් යොදා ගනිමින් ප්‍රශ්න කල මාධ්‍යවේදීයා පන්නා දමා තිබේ.
ඇමතිවරයා මාධ්‍යවේදීන්ට කල තර්ජනය ප්‍රචාරය නොකරන ලෙසටද තර්ජනය කර ඇති අතර “තමුසෙලා වැරදි දේවල් තිබුණොත් මම නරක මිනිහා කියන්න එපා” යනුවෙන්ද එම ස්ථානයෙන් ඉවත්ව යන මාධ්‍යවේදීන් හට අමාත්‍ය ජෝන් අමරතුංග තර්ජන කර ඇත.
(විඩියෝ – අද දෙරණ)
Facebook Comments
