ශ්‍රී ලංකා ඔලිම්පික් කණ්ඩායට රි‍යෝ නුවර බලා පිටත් වෙයි

0

බ්‍රසීලයේ පැවැත්වෙන රියෝ ඔලිම්පික් ක්‍රීඩා උලෙළ සඳහා සහභාගි වන ශ්‍රී ලංකා කණ්ඩායම අද සන්ධ්‍යාවේ දිවයිනෙන් පිටත්ව ගියේය.

ක්‍රීඩා උලෙළ මෙම මස 05 වැනිදා සිට 21 වැනිදා දක්වා බ්‍රසීලයේ රියෝ ද ජැනෙයිරෝ නුවරදී පැවැත්වෙයි.

මෙවර ඔලිම්පික් ක්‍රීඩා උලෙළ සඳහා ශ්‍රී ලංකාව නියෝජනය කරමින් ක්‍රීඩක ක්‍රීඩිකාවෝ 09 දෙනෙකු සුදුසුකම් ලබා සිටින අතර ඔවුන්ගෙන් 07 දෙනෙකු පමණක් පිටත්ව ගිය අතර, පිහිනුම් ක්‍රීඩක මැතිව් අබේසිංහ හා වෙඩි තැබීමේ ඉසව්ව නියෝජනය කරන මංගල සමරකෝන් පුහුණුවීම් වෙනුවෙන් මීට පෙර දිවයිනෙන් පිටත්ව ගොස් ඇත.

ශ්‍රී ලංකා කණ්ඩායමට නායකත්වය ලබා දෙනු ලබන්නේ මැරතන් ඉසව්වෙන් තුන් වැනි වරට ඔලිම්පික් වරම් දිනාගත් අනුරාධ ඉන්ද්‍රජිත් කුරේ විසිනි.

ජාතික ඔලිම්පික් කමිටුවේ ලේකම් මැක්ස්වෙල් ද සිල්වා ශ්‍රී ලංකා කණ්ඩායමේ, කණ්ඩායම් භාර ප්‍රධානී ලෙස කටයුතු කරයි.

Facebook Comments

wedding people