යහපාලන රජය පොරොන්දු වු පරිදි පළාත් සභාව වලට අවශ්‍ය සියළුම බලතල පවරා දෙන ලෙසට උතුරු පලාත් මහ ඇමැතිවරයා යහපාලන රජයට තුන් අවුරුද්දක් පිරෙන දා ඉල්ලා තිබේ.
උතුරු පලාත් සභාවේ කාලය අවසන් වීමට තවත් ඇත්තේ මාස කිහිපයක් බව පෙන්වා දුන් සී.වී.විග්නේස්වරන් මහ ඇමැතිවරයා ඊට පෙර පූර්ණ බලතල සහිත උතුරු පළාත් සභාවක් දැකීම තම එකම අභිප්‍රාය බව නව වසර උදාව වෙනුවෙන් ආණ්ඩුකාර කාර්යාලයේ 08 සඳුදා පැවති උත්සවයක් අමතිමින් කියා සිටියේය.
“උතුරු සහ නැගෙනහිර පලාත් සභාවල කාලය තව මාස කිහිපයයි තියෙන්නේ ඒ නිසා දැන්වත් අපට යමක් දෙන ලෙස අපි ඉල්ලා සිටිනවා” යි මහ ඇමැතිවරයා පැවසීය.
රජය විවිධ අවස්ථාවල මෙම බලතල වැඩිකරන බවට පොරොන්දු වුවත් වසරින් වසර සිදු වන්නේ එම බලතල වල හා මුදල් වල කප්පාදුවක් පමණක් බවටද ප්‍රධාන අමාත්‍යවරයා මෙහිදී චෝදනා කළේය.
ආරම්භයේදී ඉතා හොඳින් ගමන් කළ යහපාලන රජය මේ වන විට ප්‍රශ්න වලට මුහුණ දෙමින් සිටින බව කී මහ ඇමැතිවරයා යහපාලන රජයේ ඉදිරි ගමන සැක සහිත බව වැඩි දුරටත් කියා සිටියේය.
Facebook Comments
