ව්‍යවසායකයන්ට මුල්තැන දෙමින් සමාජ සවිබලගැන්වීම හා නැති බැරි අය ආරක්ෂාණය කරන අයවැයක් මෙවර ඉදිරිපත් කර ඇති බව මුදල් රාජ්‍ය අමාත්‍යවරයා පෙන්වා දී තිබේ.
මූල්‍ය විනය තබා ගැනීම අයවැයෙන් මූලික පදනමක් වන අතර මූල්‍ය විනය තබාගෙන අයවැය පරතරය 4.5ට ගෙන යෑමට බලාපොරොත්තු වන බව මුදල් රාජ්‍ය අමාත්‍ය එරාන් වික්‍රමරත්න 11 සඳුදා යවැය දෙවැනිවර කියවීමේ විවාදයට එක්වෙමින් පැවසීය.
එන්ටප්‍රයිස් ශ්‍රී ලංකා වැඩසටහන මෙන්ම ගම්පෙරළිය හරහා ග්‍රාමීය ආර්ථික ශක්තිමත් කරන ආකාරය ද අමාත්‍යවරයා විසින් පැහැදිලි කරන ලදී.
කෙසේවෙතත් දේශපාලන කුමන්ත්‍රණය නිසා මීට පෙර අයවැය ඉදිරිපත් නොහැකි වූ බව සිහිපත් කල එරාන් වික්‍රමරත්න අමාත්‍යවරයා පොළි අනුපාතය ඉහළ ගිය අතර මූඩීස් ආයතනය ශ්‍රේණිගත කිරීමේ පහළට දැමුණු බව ද කියා සිටියේය.
මේ අතර ශ්‍රම බළකාය සඳහා කාන්තාවන් වැඩි වශයෙන් දායක කර ගැනීම වෙනුවෙන් කාන්තාවන් රැකියාවකට ඇතුළත් කිරිමේ උපරිම වයස් සීමා ඉවත් කල බව ද අමාත්‍යවරයා වැඩි දුරටත් සඳහන් කළේය.
Facebook Comments
